Hooong... lir waskitaning jati
Manegesing Epek-epek Pusering Jagad
Cinondro ing sasmito kairing wisiking tengoro
Beng........................................
Delengen kanthi permono, sak kedeping netro lan sak keliring roso
Kahanan rasane nglangut tan keno tiniro
Cahyo mego kaulung pedhut hanglingsemi
Mendung katon mentelung
Bebasan Pedhut tan sumulak abang
Petheng ndhedet kasengger gludhuk mangampak ampak
Udan barat kasengger plahoro katone mapakake rino
Bledhek nyamber-nyamber polahe hanyamari
Ing mongso ketigo
Beng.........................................
Sumurupo kang bakal tumapak
Ing gingsir sisih kulo kidul
Bakal ono rubedo aujud bebendu horok
Ora sepisan purno' keporo bakal luwih gedhe
"Tan samar, kasirep dandhang gulo kanggo tegak ing gulo klopo"
Beng.........................................
Kang pono ing pamawas tansah Eling lan waspodo
Ojo cerak-cerak kebo gupak
Ditali nganggo iket paneteping iman
Mugi Gusti Kang Akaryo Jagad tansah paring rahayu sami,
kalis lir ing sambikolo,lumeber dateng tlatah negari.
~~Kyai Dargo~~ condro : 07/06/2009
~spiritual~
